Hemşaredarê Şaredarîya Amedî ya Şaristanê Girdî Serra Bucak û Dogan Hatunî hemwelatî rî bi rî goşdarî kerdî.

Yewîna Ca De Çarekerdiş û odaya Komîsyonê Şarî Reyra Têkilîye de ke binê Serekîya Daîreya Çapemenî, Weşan û Şarî Reyra Têkilîye de bi amancê çarekerdişê problemanê şarî yê lez û tesîrdarî xizmet dana, hemwelatî pêşwazî kerdî.

Pêdîyayîşan de hemwelatîyan firsend dîyî ke problemê ke cuya xo de rastê ci yenê û waştişê xo rasterast biresnê hemşaredaranê ma.

Hemşaredaranê ma ke muracatan ser o hemwelatî yew bi yew goşdarî kerdî, pêşnîyaz, gazin û waştişî not kerdî. Hemşaredaranê ma dîyar kerd ke heme problemê ke ameyî resnayene, seba înan erjîyaye yê û seba çarekerdişê înan, destê înan ra çi bêro, do bikerê.