Mudirîya Pêroyî ya DÎSKÎ ya Şaredarîya Amedî ya Şaristanê Girdî bi amancê çarekerdişê problemê awa şimitişî ke demêko derg o Taxa Duzovaya girêdayeyê qezaya Çinarî de dewam keno, xebata xeta awa şimitişî ya 600 metreyî temam kerd.

Çarçewaya xebate de binawanîya ke do hewceyîya awa şimitişî ya 140 keyeyan û teqrîben 800î ra zafêr hemwelatîyan temîn bikera, ame amadekerdene û xeta newîye bi bîrê sondajî yê mevcudî ra ame girêdayene.

Şarê taxe dîyar kerd ke 2 serranê peyênan de rîyê kêmanîya awe ra teqrîben 15 keyeyan koç kerd û keyfweşîya xo ya xebate îfade kerd.