Qezaya Pasûrî ya Amedî de vewra ke tesîrê xo zêde kerd, bi taybetî rayîrê taxanê dewan de resî ser o tesîrêko xirab kerd.

Ekîbê Şaredarîya Amedî ya Şaristanê Girdî û Şaredarîya Pasûrî, qeza de ke beşanê berzan û taxanê dewan de qalindîya vewre resaye heta 20 santîmetreyan, seba akerdişê rayîranê ke rîyê vewre ra ameybî girewtene saetanê serê sibayî de xebatan dest pêkerd.

Xebatê ke bi 7 ekîbanê cîyayan dewam kenê, wina ameyî plankerdene ke heme rayîranê taxanê qeza bigîrê xo mîyan.

Ekîbî, bi taybetî seba ke resayîşê hemwelatîyanê nêweşan, pîran û yê ke rewşa lezabeze de yê de astengîye nevejîya, guzergahanê ewilan de mesaîyêko giran kenê.