Hemşaredara Şaredarîya Amedî ya Şaristanê Girdî Serra Bucak beşdarê Mîtîngê 8ê Adare bîye.

Mîtîngo ke seba 8ê Adare Roja Cinîyanê Kedkaran a Dinya Amed de ame organîzekerdene, Meydanê Îstasyonî de bicoş ame viraştene.

Hemşaredara Şaredarîya Amedî ya Şaristanê Girdî Serra Bucak ke pê cinîyan ke bi kincanê xo yê herêmkîyan semtê Ofîsî de ameyî têhet, pîya rayîr şîye warê mîtîngî, bale ante ke têkoşînê cinîyan o rêxistinebîyaye do awankerdişê komelêko azad û aştîwaz de dîyarker bibo û venga heme cinîyan da ke piştîdayîşêko xurt bidê rêxistinebîyayîş û prosesê aştîye.

Hemşaredare Bucak ra teber Hemsereka DBP'yî ya Pêroyîye Çîgdem Kilicgun Uçar, Hemderek DBB'yî  ya verêne Gultan Kişanak, Hemverfeka Meclîsê DBB'yî Demet Ceylan, endamê meclîsê ma, temsîlkarê partîyanê sîyasîyan û rêxistinanê komelê sîvîlî beşdarê çalakîye bîyî.