Hemşaredarê Şaredarîya Amedî ya Şaristanê Girdî Serra Bucak û Dogan Hatunî seba Merkezê Şêwirmendîye û Perwerdeyê Girêdayîşê Madeyan ke yeno plankerdene ke şaristanî de bêro awankerdene, cigêrayîşê warî kerdî û warê ke tede merkez eşkeno bêro awankerdene cayê xo de ameyî nirxnayene.

Badê cigêrayîşê yewinî ke Taxa Oglakli ya girêdayeyê qezaya Baglarî de ame kerdene, Taxa Yîgîtçavuşî ya girêdayeyê qezaya Sûrî de nirxnayîşî ameyî kerdene. Çarçewaya bernameyî de peynî de garajê qeza yo kehen ke Taxa Şehîtlikî ya qezaya Yenîşehîrî de yo û ameyo vengkerdene, ame zîyaretkerdene.

Hemşaredaran, Hemşaredarê Şaredarîya Yenîşehîrî Mehmet Ergunî reyde pîya nê warî ra zî cigêrayîşî kerdî û derheqê îmkananê xebitnayîşê mumkînî yê seba awankerdişê merkezî nirxnayîşî kerdî.