Protokolo ke Şaredariya Amedî ya Şarsitanê Girdî mabênê kooperatîfanê otobusanê şarî yê taybetîyan de bi amancê rayberdişê xizmetanê komresî yê mîyanê şaristanî yo hîna tesîrdar û biîntîzam îmza kerd, ame caardene.

Serekê Daîreya Resî Temel Cengîzî îfade kerd ke protokol bi şeklê ke astengdarî, hemwelatîyê serê 65 serrîyan, wendekarî, wayîrê kartanê erjanan û abonetîye zî bigîro xo mîyan ame amadekerdene.

Endama Meclîsê Şaredarîya Amedî ya Şaristanê Girdî ya Domdare Gulaye Kilic va ke problemê ke hemwelatîyê pîrî û astengdarî otobusanê şarî yê taybetîysn de rastê ci yenê ardî rojeve û seba çarekerdişê ci dest bi karî kerd.

Endamê Komîsyonê Resî Velat Aslanî zî dîyar kerd ke resî de do rehetîye bibo û problemê guzergahan û kombîyayîşê ke est ê, do wedarîyê.