Taximê Hentbolî yê Şaredarîya Amedî ya Şaristanê Girdî, badê sezonêko serkewte bi mendişê Fînalê Çaran resa qonaxêko muhîm ê rayîrê Superlîgî.

Taximê Şaredarî ke 14 maçan de 10 galibîyet, 1 seypêyî û 3 mexlubîyetî girewtî, bi performansê xo yê maçanê play-offî ke Eskîşehîr de ameyî kaykerdene, heq kerd ke beşdarê Fînalê Çaran bibo ke 12-14ê Adare Enqere de do bêro organîzekerdene.

Taxim do etabê Fînala Çaran de Taximê Şaredarîya Adana Sarîçamî, Klûbê Sporî yê Amasya 22 Hezîrand û Klûbê Sporî yê Goztepeyî reyde maç bikero.

Ekîbê teknîk û kaykeran dîyar kerd ke wazenê Amedî Superlîg de temsîl bikerê û sporwazan veng dayî ke taximê xo rê piştî bidê.