"Projeyê Perwerdeyê Ehlîyetê Şoforîya Otobusan" ke hetê Serekîya Daîreya Polîtîkayanê Cinîyan û Serekîya Daîreya Resî ra dest pêkerdo, dewam keno.

Çarçewaya bernameyê perwerdeyî de 50 cinîyê kursîyerê 24-35 serrîyan ke krîteranê dîyarkerdeyan temîn kenê, dest bi perwerdeyî kerd.

Çarçewaya bernameyî de ke bi amancê temînkerdişê beşdarîya cinîyan a cuya ekonomîke ya hîna xurte û piştîdayîşê seypêyîya cinsîyetî ya komresî de dest pêkerd, beşdarî perwerdeyanê teorîk, teknîk û tatbîqan gênê.

Perwerdeyanê şoforîye ke bi 3 grûban 9ê Sibate de dest pêkerd, yeno plankerdene ke aşma nîsane de temam bibê.

Cinîyê ke beşdarê perwerdeyî bîyê, îfade kerd ke warêko ke bi serranê dergan camêrdî zêde tede xebitîyenê, heyecanin û sereberz ê nê perwerdeyî gênê û wazenê warê pêroyîye de hîna eşkera bibê.