Hemşaredarê şaredarîya Amedî ya Şaristanê Girdî Serra Bucak û Dogan Hatun, temsîlkaranê grûbanê bawerîyanê cîyayan reyde bernameyê fitarî de ameyî têhet.

Temsîlkarê grûbanê bawerîyanê Elewî, Suryanî, Êzidî û Ermenîyan û zaf temsîlkarê rêxistinanê komelê sîvîlî beşdarê bernameyî bîyî.

Hemşaredare Bucak ke bernameyê fitarî de qisey kerd, Roşanê Remezanî û Newroze pîroz kerd û bale ante muhîmîya cuya bawerî û nasnameyê cîyayan ê pîyayî û bi aştî ser o.

Hemserekê Federasyonê Cigêrayîşanê Îslamî yê Mezopotamya Abdulah Sagirî zî qiseyê xo de mesajê yewîye û pîyayîye da.

Bername, badê qiseykerdişan bi werdê fitarî temam bî.