Hemşaredarê Şaredarîya Amedî ya Şarsitanê Girdî Serra Bucak û Dogan Hatun, bi amancê şaristanêko ke beşdarîya aktîf a gedeyan a prosesanê qeraran esas gêno, endamê Meclîsê Gedeyan ê Konseya Şaristanî reyde ameyî têhet.

Hemşaredaranê Amedî ke pêşnîyazê gedeyan ê derheqê cuya şaristanî de sey res, lêşinîya cugehî, pawitişê parkan û perwerdeyî rasterast goşdarî kerd; bale ante ke seba şaristanêko hîna adîl, biemnîyet û bêasteng do gedeyan reyde pîya mekanîzmayanê hemparan virazê.

Kombîyayîşî de sewbîna derheqê xebatanê projeyê Sporparkî ke do piştî bido averşîyayîşê sosyal û sporî yê gedeyan û projeyê Keyeyê Piştgirîya Perwerdeyî yê 5 qatan de ke do Taxa Huzurevlerî ya qezaya Kayapinarî de bêro viraştene, agahî ameye dayene.