Hetê Rêxistina Qeza ya DEM Partî ra Meydanê Şaredarîya Kovancîlarî ya Xarpêtî de pîrozbîyayîşê Newroze ame viraştene.

Hemşaredarê Şaredarîya Amedî yê Şaristanê Girdî Dogan Hatunî ra teber endamê meclîsê ma, temsîlkarê partîyanê sîyasîyan û rêxistinanê komelê sîvîlî û hemwelatî beşdarê pîrozbîyayîşî bîyî.

Hatunî ke meydanî de beşdaran reyde pîya adirê Newroze tavist, hemwelatîyan reyde govende girewte. Hatunî ke pîrozbîyayîşî de qisey kerd, Roşanê Newroze yê şarî pîroz kerd û waşt ke Newroze bibo wesîleyê aştî û rehetîye.