Musteşarê Karanê Sîyasîyan ê Delegasyonê Tirkîya yê Yewîya Ewropa Konstantîna Kostova û heyeto ke pîya bî, hemşaredarî Serra Bucak û Dogan Hatun zîyaret kerdî û derheqê îdareyanê herêmkîyan û prosesanê hemkarîye de fikrî pare kerdî.

Bucak dîyar kerd ke seba bernameyê Newroze demêko çetin vîyarnayo û bale ante muhîmîya zîyaretî ser o.

Kostova zî va ke "Ma seba kampanyayan ke şima çarçewaya têkoşînê vera şîdetê vera cinîyan de kenê, şima pîroz kenê, ma bi şima sereberz ê."

Kostova dîyar kerd ke Komîsyonê Ewropa prosesanê hemkarîya bi îdareyanê herêmkîyan ê welatanê namzetan nêzdî ra taqîb kena.