Hemşaredara Şaredarîya Amedî ya Şaristanê Girdî Serra Bucak, muxtaranê taxan ke qezaya Sûrî de wezîfe kenê, înan reyde ameye têhet û waştiş û pêşnîyazê înan goşdarî kerd.

Pêdîyayîşo ke Salona Kombîyayîşê Meclîsî de ame viraştene, Sekreterê Pêroyî Serdar Bakiroglu, endamê meclîsê ma, serekê daîreyan, Serekê Komela Muxtaranê Sûrî Aydin Alakuş û zaf muxtarî beşdar bîyî.

Kombîyayîşî de xizmetê ke qeza de dewam kenê, sermîyangozarîyê binawanîye û projeyê ke seba serra 2026î yenê plankerdene bi hîrayî ameyî nirxnayene.

Hemşaredare Bucak ke kombîyayîşî de qisey kerd, dîyar kerd ke merkezî ra 50 taxanê dewan rê temînkerdişê awe ame kerdene û va ke tayê taxan de ke bi serranê dergan problemê awe ciwîyayêne, çareserîyê domdarî ameyî berhemardene.

Bucak ke dîyar kerd ke do biîntîzam muxtaran reyde têhetameyîşê xo dewam bikerê, îfade kerd ke fehmê îdareyê beşdarî û çareserîwazî do dewam bikerê.