Şaredarîya Amedîya Şaristanê Girdî, vera varanê zafî yê mumkînan, şaredarîyanê Kayapinar, Baglar, Yenîşehîr û Sûrî reyde pîya drenajanê awa varanî de xebata pakkerdişî ya hîraye daye destpêkerdene.

Çarçewaya xebatan de ke bi pêşengîya Serekîya Daîreya Park û Baxçeyan û Serekîya Daîreya Pawitişê Cugehî û Kontrolî yenê kerdene, şîyayîşê awa varanî bi baldarîye yenê pakkerdene.

Eşteyê ke vejîyenê bi hewayêko ke xoza rê zerar nêdê, Warê Depokerdişê Eşteyî yê şaredarîya ma rê yenê şawitene.

Heta nika ekîbê ke drenajê awa varanî yê Bulwaranê Riha, Xarpêt, Mahabadî, Firatî, kuçeyanê Nazim Hîkmet, Evrîm Alataş, Aram Tîgran, Orhan Doganî û qezaya Sûrî pêroyî ra vîyarena, çarçewaya koordînasyonê de ame awankerdene, xebatanê xo dewam kenê.