Seba şaîro kurd Ehmed Huseynî Merkezê Kultur û Kongreyî yê Çand Amedî de merasîm ame organîzekerdene.

Cenazeya helbestkarê kurdî Ehmed Huseynî ke 10ê Adare şaristanê Stockholmê Swêdî de cuya xo ra bîyo, ame ardene Amed û Merkezê Kongre û Kulturî yê Çand Amedî de merasîm ame organîzekerdene.

Hemşaredarê Amedî Serra Bucak û Dogan Hatunî ra teber temsîlkarê partîyanê sîyasîyan û rêxistinanê komelê sîvîlî, nuştoxî û kesê ke Huseynî ra hes kenê, beşdarê merasîmî bîyî.

Hatunî ke merasîmî de qisey kerd, va: "Cîyabîyayîşê nê roşnkerdoxê şoreşgerî ke qet nêvinderto, zaf zehmet o. Raştîya ci ma nêeşkenê vajê cîyabîyayîş; qelema to do zerrîyanê heme kurdan de her wext gandar bimano."

Badê qiseykerdişan cenazeya Huseynî ke ameye girewtene milan, bi çepikan Amûdê rê ame oxirkerdene.