Şaredarîya Amedî ya Şaristanê Girdî, çarçewaya xebatanê seba pawitişê weşîya şarî de demê wisar-hamnanî yê têkoşînê vera melşeyan da destpêkerd.

Bi xebatan ke hetê Serekîya Daîreya Karanê Weşîye ra yenê ramitene, yeno amanckerdene ke melşeyê sey meyse, meysê sîyayî, qijnik û kêzikan daraxêko ke weşîya merdiman tehdît nêkero, bêro pawitene.

Ekîbê ma, 17 qezayan û 1056 noktayanê roniştişî de bi 285 personelan, 80 wesayîtan û 351 hacetan warî ra aktîf wezîfe ser o yê.

Saetanê serê sibayî de têkoşînê larvayan yeno ramitene, saetanê şanî ra heta şewe zî xebatê dermankerdişê seba firokîyan biserûber dewam kenê.