Şaredarîya Amedî ya Şaristanê Girdî; bi kordînasyonê şaredarîyanê qezayanê Kayapinar, Baglar, Yenîşehîr û Sûrî reyde, bi amancê vernîgirewtişê vindîkerdişê gan û malî yê varanê zafî yê mumkînan de û temînkerdişê xebitnayîşê bêvindertene yê trafîkê şaristanî, xebatanê pakkerdişî ra ke mazgalanê xetanê awa varanî de keno, 270 ton eşte vet.

Eşteyê keyeyî û plastîkê ke xebatanê hemparan ê Serekîya Daîreya Pawitişê Cugehî û Kontrolî, Serekîya Daîreya Karanê Weşîye û Serekîya Daîreya Park û Baxçeyan de ameyî kombîyayene, seba bertarafkerdişî Warê Depokerdişê Eşteyî rê ameyî berdene.

Şaredarîya Amedî ya Şaristanê Girdî seba weşîya binawanîya şaristanê xo, venga heme hemwelatîyanê xo danê ke eşteyê xo bêserûber meerzê û seba muhîtêko pak berpirsîyarîye bigîrê.

Ma seba şaristanêko hîna pak û biemnîyet xebatanê xo bêvindertene dewam kenê.