Şaredarîya Amedî ya Şaristanê Girdî, bi amancê asayîşê kulturê mitbaxê dewlemendî yê şaristanî û xurtkerdişê potansîyelê ci yê warê gastronomî, seba "Festîvala Gastronomî ya Xoza ra Sifreyan" ke do 8-10ê gulane de bêro organîzekerdene, dest bi xebatan kerd.

Çarçewaya festîvale de ke yeno amanckerdene ke berhemê herêmkî ke Amed de pîl benê û tehmê cografî bêrê naskerdene, kombîyayîşê amadeyîye Merkezê Kongre û Kulturî yê Çand Amedî de ame viraştene.

Temsîlkaranê dezgeh û rêxistinanê têkilîdaran ra teber şefî, sazkarî, akademîsyenî û nuştoxê gastronomî beşdarê kombîyayîşî bîyî.

Kombîyayîşî de rayîrşîyayîşê xoza de ke bernameyê festîvale de do bêrê viraştene, atolyeyê pewtişê ekolojîkî ke pê vaşanê ke yenê arêdayene do bêrê viraştene û tedeyîyê ke ver bi teknîkê xozayî yê mitbaxê herêmkî yê, ameyî nirxnayene.

 

Mehmet Olmez