Çarçewaya 1-7ê Nîsane Hewteyê Kanserî yê Neteweyî de semînerê Hişyarîya Têkoşînê Vera Kanserî ame organîzekerdene.

Çarçewaya 1-7ê Nîsane Hewteyê Kanserî yê Neteweyî de bi amancê resnayîşê agahîyanê aktuelan ê derheqê kanserî de hemwelatî û piştîdayîşê xurtkerdişê hişyarîya komelkîye, bi pêşengîya Serekîya Daîreya Xizmetanê Astengdar û Pîran û bi piştîdayîşê rêxistinanê komelê sîvîlî û komelan semîner ame organîzekerdene.

Hemşaredara Şaredarîya Amedî ya Şarsitanê Girdî Serra Bucak ke beşdarê semînerî bîye ke Salona Konferansî ya Alî Emîrî de ame viraştene, dîyar kerd ke kanser tena problemêko weşîye nîyo û bale ante ke problemê resayîşê nê warî benê sebebê problemê weşîya şarî.

Bucak va ke resayîşê weşîye de ferqê herêmkî est ê û bale ante muhîmîya resayîşê heqê xizmetê bi ziwanê dayîke ser o.

Semînero ke tede pêşkêşîyê bi sernameyanê cîyayan ameyî kerdene, badê beşê pers-cewaban temam bî.

 

Mehmet Olmez