Hemşaredara Amedî ya Şarsitanê Girdî Serra Bucak, maçê Amedspor û Bolusporî ke Stadyumê Amedî de ame kaykerdene, Serekê Kulubê Amedsporî Nahît Eren, endamî, hemşaredarê qezayan, temsîlkarê dezgehanê sivîl û terefgiran temaşe kerd û bîye şirîkê coşê terefgiran.

Amedsporî peynîya maçî de Boluspor 6-1 kerd mexlûb û puanê xo kerd 70, bi nê qeydeyî rêza dîyine de mend.

Kaykerê Amedsporî bi pankartê Mudurîyetê ma ya Pêroyî ya DÎSKÎ vejîyayî seha ke ser o “Eke awe çin ba, ameyox tena yew îhtîmal o” nuştebi û bala merdiman ant muhîmîya awe ser o.

Amedspor, roja panşeme 9ê nîsane de, deplasman de do Eroksporî reyde kay bikero.