Şaredarîya Amedî ya Şaristanê Girdî, bi zêdekerdişê hûmara wesayîtanê xetanê F7 û Y3î de kapasîteya komresî xurt kerd.

Serekîya Daîreya Resî, goreyê waştişê ke hetê hemwelatîyan ra ameyî, xetan de serûberkerdişêko newe kerd. Na çarçewa de, planê seferanê mevcudî ameyî kontolkerdene û her di xetan de wesayîtî ameyî zêdekerdene.

Bi xebata ke ame kerdene, xeta F7î rê 1 wesayît ame îlawekerdene û hûmara wesayîtan a pêroyîye resaye 4î, xeta Y3î rê 1 wesayît ame îlawekerdene û hûmara wesayîtan a pêroyîye resaye 6î.

Bi serûberkerdişê neweyî yeno amanckerdene ke hemwelatî komresî hîna rehet bişuxulnê, wextê vindertişî kêmî bibo û xizmetê resî hîna berhemdar bibo.

Guzergahê Y3î 

Oglakli - 500 Evler - Roşnîyê Tepeşehîrî - Cadeyê Hashavar - Salona Veyveyî ya Pîyale - Cadeyê Ahmet Kayayî - Dibistanê Yeşîl Daliyî - Keyeyê Hamrawatî - Cadeyê Heskîf - Cadeyê Sêwregi yo Verên - Şantîyeya Şaredarîya Baglarî - Bulwarê Qamişloyî - Cadeyê Mehmet Uzunî - Zumrutkent - Goristanê Yenîkoyî - Cadeyê Huzurkentî - Qeymeqamîya Baglarî - Kuruçeşme - Alay - Pirdê Alîpinarî - Îstasyon - Ofîs – Berê Koyî

Guzergahê F7î 

Şîyayîş: Taxa Gurdogan - Kombanî - Tedaş - Seyrantepe - Tesîsler - Bulwarê Dîclekentî – Çatrayîrê Medya - Salona Veyveyî ya Ava - Şaredarîya Kayapinarî - Gazîler - AVMya Ceylanlaran – Nêweşxaneyê Bîyayîşî - Rayîrê Riha - 500 Evler

Agêrayîş: 500 Evler - Rayîrê Riha - Nêweşxaneya Bîyayîşî - AVMya Ceylanlaran - Çatrayîrê Medya - Dîclekent - Tesîsler - AVMya Nînova - Seyrantepe - Kombanî - Taxa Gurdogan