Bi hemkarîya Odaya Tîcaret û Sanayî ya Amedî (DTSO) û Federasyonê Perakendekaran ê Tirkîya Fuarê Zincîranê Herêmkîyan ê Başûr Rojhelatî ame akerdene.

Hemşaredarê Amedî Dogan Hatunî ra teber hemşaredarê qezayan û temsîlkarê rêxistinanê komelê sîvîlî zî beşdarê fuarî bîyî. 70 herêman ra 49 fîrmayî beşdarê fuarî bîyî ke Merkezê Fuar û Kongreyê yê Mîyanneteweyî yê Mezopotamya de ame viraştene.

Hatunî ke akerdişê fuarî de qisey kerd, dîyar kerd ke fuar pêdîyayîşêko erjîyaye yo ke berhemardox û perakendekaran ano têhet û îfade kerd ke fuar piştîpêdayîşê mîyanê komelî de eşkera keno.

Hatunî dîyar kerd ke ganî berhemardoxê herêmkî û kooperatîfî bêrê piştîdayene û bale ante adetê berhemardiş û awanîya zafkulturîye ya Amedî ser o.

Badê qiseykerdişan fuar ame akerdene û standî ameyî gêrayene.