Mudirîya Pêroyî ya DÎSKÎ ya Şaredarîya Amedî ya Şaristanê Girdî, bi amancê temînkerdişê hewceyîya awe ke rîyê zêdebîyayîşê nifûsî yê Taxa Kizlal a qezaya Farqînî ra peyda bîya û seba îdarekerdişê waştişan ke do ameyoxî de peyda bibê, 2 hezar û 300 metre xeta awa şimitişî ronana.

Mudirîya Şûbeyê Farqînî ya Serekîya Daîreya Sazgehanê Herêma 1. ya Mudirîya Pêroyî ya Îdareyê Awe û Kanalîzasyonî yê Amedî (DÎSKÎ), seba temînkerdişê hewceyîya awa şimitişî ya waranê roniştişî yê neweyan ke Taxa Kizlal a girêdayeyê qezaya Farqînî de zêde bena, tatbîqatê binawanî da destpêkerdene. Bi xeta awa şimitişî ya 2 hezar û 300 metreyî ke seba ke depoyê mevcudî ra bêro xurtkeerdene, virazîyaye, resayîşê awe yê herême binê garantîye de yo.

Kapasîteyê seba ameyoxî

Pê na xete ke viraştişê ci dewam keno, qonaxê yewinî de hewceyîya awa şimitişî ya 15 keyeyan do bêro temînkerdene. Sîstemo ke ame ronayene tena cewabê waştişê ewroyî nêdano; eynî wextî de kapasîteyê hewceyîya binawanîya awanbîyayîşê neweyî ke do herême de peyda bibo, temîn bikero

Berhemdarîye û hemsengîye

Domdarîya temînkerdişê awa dewan, plankerdişê îdareyê çimeyan o hempar û binawanîya resnayîşî lazim kena. Pê na xete ke do depoyê mevcudî ra bêro antene, berhemdarîya resnayîşê awe yena zêdekerdene û sîstemê vilakerdişî hîna beno hemseng.

Mudirê Şûbeyê Farqînî yê DÎSKÎ Mehmet Kayayî ke derheqê xebate de agahî da, wina qisey kerd: "Ma na xete tena seba temînkerdişê hewceyîya 15 keyeyanê mevcudan nêgirewt xo dest. Ma rayîrê averşîyayîşê waranê roniştişî û meylê awanbîyayîşî analîz kerd û binawanîye sere ra goreyê ci awan kerd. 

Bi temambîyayîşê xebate, sîstemo ke nika teqrîben 50 keyeyî û 200 nufusî tira îstîfade kenê, do bêro xurtkerdene; prosesê awanbîyayîşê neweyî reyde binawanîye amade bena.

 

mehmet olmez