Şaredarîya Amedî ya Şaristanê Girdî têkoşînê vera girêdayîşê madeyan de sînorê Amedî ra vîyarte, xo resnenan bajaranê bînan zî.

Şaredarîya Amedî ya Şaristanê Girdî, têkoşînê vera girêdayîşî, tena sey problemêko weşîye yo şexsî nêvînena; bi hetanê ci yê sosyal, psîkolojîk û komelkîyan çarçewaya polîtîkaya pêroyîye de erjena.

Na çarçewa de Merkezê Şêwirmendî û Perwerdeyî yê Girêdayîşê Madeyan, GABB’î reyde xebatanê têkoşînê vera girêdayîşî şaristananê cîyayan de zî dest bi hîrakerdişî kerd.

Na çarçewa de qezaya Tetwanî ya Bedlîsî de bernameyê perwerdeyê di rojan ke vera girêdayîşê madeyan o, ame viraştene.

Perwerdeyo ke bi mêmandarîya Şaredarîya Tetwanî ame organîzekerdene, bi beşdarîya teqrîben 200 xebatkaranê şaredarîye di grûban de rehberîye ameye kerdene.