Kursê meslekî yê bêpereyî ke Şaredarîya Amedî binê banê DÎSMEK'î de akerdî, bêmabên dewam kenê.

Kursê meslekî yê bêpereyî ke Şaredarîya Amedî ya Şaristanê Girdî binê banê DÎSMEK'î de akerdî; berhemardiş, piştîpêdayîş û xurtkerdişê ekonomîkî anê têhet û girêdayîşê hemwelatîyan ê cuye reyde xurt kenê, kursîyerê ma ke bi îrade, heskerdiş û keyfweşîyêka girde beşdar benê, nîşan danê ke emrê musayîş û berhemardişî çin o.

"Ma tîya de tena karêk nêkenê, ma keyfweşî pare kenê."

Nîhal Bozokbalfaya 82 serra ke beşdarê kursê Amîgurumîyî bîya ke ma zaf cayan ra aakerdo, bale ante ke kurs seba aye tena warêkê perwerdeyî nîyo, "berê keyfweşî" yo û va: "Ma tîya de tena karêk nêkenê, ma keyfweşî pare kenê."

Perwerdekara na ya karê destan Sevgî Ari zî dîyar kerd ke kurs vurîyayo bîyo merkezê piştîpêdayîşî ke tede cinî hem qabîlîyetê xo keşf kenê hem zî hetê ekonomîkî ra xurt benê.