Merkezê Etudî yê Akademî Sûrî, yê Şaredarîya Amedî ya Şaristanê Girdî bi seyan wendekaran rê piştîdayîşê perwerdeyê bêpereyî dano.

Serekîya Daîreya Xizmetanê Komelkîyan, bi nê piştîdayîşî wendekarê ke beşanê sey tip, huqûq, muhendisîye û eczakarîye de ca girewt û wendekarê namzedê unîversîte yê Akademî Sûrî çalakîyêk de ardî têhet.

Panelê "Serkewteyî Qisey Kenê" de ke Salona Konferansî ya Alî Emîrî de ame organîzekerdene, wendekaranê ke beşanê serkewteyan de ca girewt, ciwananê namzedê unîversîte yê neweyan rê sirrê serkewtişê xo, tecrubeyê ke prosesê îmtihanî û derheqê beşan de ke nika perwerdeyê xo dewam kenê, tecrubeyê xo pare kerdî.

Peynîya bernameyî de nîşandayîşê sînevîzyonî ke prosesê amadekarîya wendekaran ra behs keno, ame viraştene.