Kombîyayîşê muxtaran ke Şaredarîya Amedî bi fehmê îdareyê herêmkî yo beşdar organîze kena, dewam kenê.

 Kombîyayîşê muxtaran ke hetê Serekîya Daîreya Çapemenî, Weşan û Şarî Reyra Têkilîye ra bi fehmê îdareyê herêmkî yo beşdar yenê organîzekerdene, qezaya Pîran de dewam kerd.

Hemşaredarê ma Dogan Hatun, Hemşaredarê Şaredarîya Pîranî Hacî Akengîn, Hemverfekê Meclîsê ma Ayhan Karatekîn, endamê meclîsî, serekê daîreyan û muxtarê taxan beşdarê pêdîyayîşî bîyî ke Salona Kombîyayîşî ya Şaredarîya Pîranî de ame viraştene.

Hatunî ke bale ante problemanê awe ser o, dîyar kerd ke ganî awa şimitişî bi teseruf bêro xebitnayene û awedayîşê citkarîye de nêro xebitnayene.

Muxtaranê ke kombîyayîşî de qisey kerd zî problemê xo yê sey rayîr, kerrayê parkeyî, binawanî, awe, peyarayîr, heywanê kuçeyan û problemê cîyayî yê waranê dewan zî ardî ziwan.