Amed de bi kordînasyonê Weqfa Sifir Eşteyî “Komxebata Sifir Eşteyî ya Amedî" ameye organîzekerdene.

Bi kordînasyonê Weqfa Sifir Eşteyî; bi hemkarîya Şaredarîya Amedî, Walîtîye, Unîversîteya Dîcle û dezgehanê têkilîdaran "Komxebata Sifir Eşteyî ya Amedî" ke ameye organîzekerdene, tede dewrê îdareyanê herêmkîyan ê vera krîzê îklîmî û plankerdişê şaristanê domdarî bi hîrayî ameyî nirxnayene. 

Hetkara Sekreterê Pêroyî Zerîn Turk ke bernameyî de qisey kerd, bale ante ke krîzê îklîmî problemanê tewr girdan ê ewroyî ra yew o û dîyar kerd ke ganî şaristanî goreyê şertanê îklîmî ke vurîyenê bi şeklêko hîna xoverdayox û edîl bêrê plankerdene. 

Komxebate de ke bale ame antene muhîmîya Planê Aksîyonê Vurîyayîşê Îklîmî yê SECAPî ke şaredarîya ma kena ser o, muhîmîya hemkarîye seba kêmîkerdişê eşteyî cayê çimeyê ci de, hîrakerdişê neweraxebitnayîş û pawitişê hemsengîya ekolojîke ame munaqeşakerdene.