Hemşaredarê Şaredarîya Amedî ya Şaristanê Girdî Dogan Hatun, heyetê teknîkî yê Dîyarbekîrsporî ke siba do maçêko krîtîk kay bikero, kerdî mêman.

Heyetê teknîkî û kaptananê taximê Dîyarbekîrsporî ke Lîga 3. ya TFF’yî Grûba 2. de seba mendişê lîgî têkoşîn kenê, Şaredarîya Amedî ya Şaristanê Girdî zîyaret kerd. Hemşaredar Dogan Hatunî, heyet pêşwazî kerd û demêk qisey kerd.

Kombîyayîşo ke endamê Meclîsê DBB’yî zî beşdar bîyî, tede rewşa taximî ya lîgî û vernîya maçê krîtîkî yê sibayî de babetê moral û piştîdayîşî ameyî nirxnayene.

Hemşaredarê Hatun, Dîyarbekîrsporî rê serkewtiş waşt û seba maçê sibayî zî hêvîyê xo serkewtişê vatî.