Amed de Keyeyê Vîrameyîşan ê Migirdîç Margosyanî ame akerdene.
Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê akerdişê Keyeyê Vîrmeyîşan ê Migirdîçî bîyî ke bi hemkarîya Weqfa Dêranê Ermenîyan Hidir Îlyas û Surp Gregosî û DÎTAV'î, seba nuştox Migirdîç Margosyanî ame viraştene.
Merasîmê akerdişî yê keyeyî ke Dêra Surp Gregosî de ame kerdene û amanc keno ke mîrasê nuştoxî yo zafkultu biresno neslanê ameyoxan.
Hemşaredara Şaredarîya Amedî ya Şaristanê Girdî Serra Bucak qisey kerd û bale ante ser o ke nê warî tena warêko nostaljîk nîyo, heman wext "warê îradeyî" yo ke ameyoxêko demokratîk temsîl keno ke tede cîyayî eşkenê hetê yewbînan de haştî de biciwîyê.
Hemşaredaranê Amedî bale ante muhîmîya wayîrvejîyayîşê vîrê şaristanê ma yê zafziwanî û zafkulturî ser o û akerdişî ra dima hemwelatîyan reyde pîya keyeyê vîrameyîşan ame gêrayene.
