Çenteyo ke otobusa Şaredarîya Amedî ya Şaristanê Girdî de vîrî bîbî û tede zêrrnî est bîyî, resîya wayîrê ci 

Serekîya Daîreya Resî ya Şaredarîya ma ya Şaristanê Girdî, dewam kena ke karmarê ke wesayîtanê komresî de vîrî benê, bi hesasîye bipawo û biresno wayîranê înan.

Tewr peynî, çenteyo ke otobusêka şaredarîye de vîrî bîbî û tede 12 bazinî, 4 zerrnê tamî, 1 çaryek, 3 zerrnê 1 gramî, 1 zincîrek, 2 goşereyê gedeyan û 1 destpiştek tede bîyî, hetê şoforê ma ra ameyî ferqkerdene û teslîmê Amîrîya Zumrutkentî bî. Dima cigêrayîş û muameleyanê tesdîqî, çente bi zabitnameyî û bê kêmanî teslîmê wayîrê ci bî.

Hemwelatîyê ma, seba karmarê ke wesayîtanê komresî de vîrî kenê, eşkenê Merkezê Vengdayîşî yê ALO 153î ya ma bigêrê û agahî bigîrê.