Endamanê Klûbê Cigêrayîş û Pawitişê Nebatan ê Unîversîteya Dîcle (DUBAK) Şaredarîya Şaristanê Girdî zîyaret kerd û Hemşaredarê Serra Bucak û Dogan Hatun seba "Forumê Vurîyayîşê Îklîm û Zafrengîya Bîyolojîke" dawet kerd.

Endamê Klûbê Cigêrayîş û Pawitişê Nebatan (DUBAK) ke çarçewaya Fakulteya Zîraetî ya Unîversîteya Dîcle de falîyetan ramenê, Prof. Dr. Cumalî Ozarslan, wezîfedarê perwerdeyî Serdar Erkan û wendekarê endamê DUBAK’î, Hemşaredarê Şaredarîya Amedî ya Şaristanê Girdî Dogan Hatun zîyaret kerd.

Ozarslanî, zîyaretî de derheqê "Forumê Vurîyayîşê Îklîm û Zafrengîya Bîyolojîke" de ke 22ê gulane de do bêro organîzekerdene, agahî dayî û Hemşaredarê Şaredarîya Şaristanê Girdî Serra Bucak û Dogan Hatun seba çalakîye dawet kerdî.

Qiseykerdişî de, tesîrê vurîyayîşê îklîmî yê herêmkî, pawitişê zafrengîya bîyolojîke û xebatanê hemparan ser o ke nê warî de eşkenê bêrê averberdene fikrî ameyî parekerdene.

Zîyaretî de Hemverfekê Meclîsê DBB’yî Ayhan Karatekîn, endamanê meclîsî û Hetkara Sekreterê Pêroyî Zerîn Turk zî Hemşaredar Hatunî reyde bîyî.

Çarnayox: Mehmet Olmez