Tatbîqê JINMAPî ke hetê Serekîya Daîreya Polîtîkayanê Cinîyan û Serekîya Daîreya Zanakirarî ra bi perspektîfê "Şaristanê Cinîyan" ame averberdene, lansmanê xo ame kerdene.

Lansmanî de Hetkara Sekreterê Pêroyî  Zerîn Turk qisey kerd û dîyar kerd ke JINMAP seba îdareyanê herêmkîyan awankerdişê şaristananê biemnîyetan de hacetêko muhîm o.

Serekîya Daîreya Polîtîkayanê Cinîyan Ozden Sumer îfade kerd ke tatbîqî reyde talûkeyê ke cinî şaristanî de rastê ci yenê, do bibê daneyê şênberî, Sereka Daîreya Zanakirarî Berçim Guzel zî va ke JINMAP tena tatbîqêko mobîl nîyo, eynî wext de hacetêkê vurnayîşî zî yo.

Hemşaredarê ma Dogan Hatun ke beşdarê kombîyayîşê lansmanî bî, bale ante ser o ke tatbîq eynî wext de torrêka piştîpêdayîşî ya komelkî zî ya.