Mudirîya Şûbeyê Şarî Reyra Têkilî ya Serekîya Daîreya Çapemenî, Weşan û Şarî Reyra Têkilî, bi amancê ke problemê şaristanî hîna lez biresê çareserî, Ekîbê Mobîlî yê Ca De Çarekerdişî awan kerdî.

Ekîbê Ca de Çarekerdişî ke şaredarîyanê qezayan reyde bi kordînasyon xebitîyenê; tamîrê rayîranê ke xirab bîbî kerdî, problemê sey peyarayîr û qapaxê rogaran çareser kerdî, tabelayê dingan ke zerar dîbî, newe kerdî.

Sewbîna çarçewaya pakkerdişê cugehî de, waranê ke hafrîyat tede pêser bîbî, ameyî pakkerdene û atmosferêko hîna biweşî yê şaristanî ame awankerdene.

Naye ra teber, taxe û kuçeyanê cîyayan de goreyê waştişanê ke ameyî, xebatê pakkerdiş û miqateyî zî hetê şaredarîyanê qezayan ê têkildaran ra ameyî caardene.

Ekîbê ma, xebatanê xo yê ke qalîteya cuya şaristanî zêde kenê do dewam bikerê.