Fuarê Citkarî û Heywandarîye yê Mezopotamya yo 17. ke bi hemkarîya Odaya Bazirganî û Sanayî ya Amedî û Fuarê Mezopotamya yeno organîzekerdene, dewam kena.

Şaredarîya Amedi ya Şaristanê Girdî zî standî de ke fuarî de akerd, hemwelatîyan reyde yena têhet û xizmetê ke warê citkarî û heywandarîye de bicaardî, nîşan dana.

Standî de ke pêşnîyaz û waştişê hemwelatîyan zî yenê girewtene, bi amancê pawitiş û hîrakerdişê toximanê herêmkîyan, citkaran rê bêpere piştîdayîşê 200 hezar şitilan ame kerdene.

Xebatê ke çarçewaya Serekîya Daîreya Polîtîkayanê Cinîyan ya ma de yenê ramitene, zî fuarî de cayê xo girewt. B

erhemê sey siske, rûn, krem, çay û macunê ke hetê cinîyan ra atolyeyan de yenê berhemardene zî fuarî de ameyî nîşandayene.