Festîvala Tîyatroyî ya Mîyanneteweyî ya Amedî, roja xo ya 5. de bi panel û nawitişanê tîyatroyan dewam kerd.

Panelê bi sernameyê "Şertanê Şerî de Tîyatro Kerdene" ke bi moderatorîya Prof. Dr. Dilshad Mustafa Razawa yo Silêmanyeyij ame viraştene; Olga Dorofeeva Ukrayna ra, Shadan Abu Elasal Filistîn ra, Derin Hamid Abdalla Helepçe ra û Prof. Dr. Muntaha Tariq Unîversîteya Mustansirîya ra, mîyanê şerî de tecrubeyê xo yê berhemardişê hunerî pare kerdî.

Panelê dîyinî de sernameyê "Sudan –Herêma ke Veşena, Tede Tîyatro " ame erjnayene. Panelo ke bi moderatorîya Dramaturg Dr. Thomas Engelî ame kerdene, Prof. Dr. Justin John bi hewayêko online beşdar bî.

Çarçewaya festîvale de, Tîyatroyo Akademîk ê Muzîk û Drama yê Herêma Vinnytsia ya Ukrayna, kayê bi nameyê "The Man Outside (Merdimo ke Teber ra yo)" vet sahne.

Festîvala ke bi beşdarîya grûbanê tîyatroyan ê 19 dewletan virazîyeno, do heta 2yê gulane dewam bikero.