Şaredarîya Amedî ya Şaristanê Girdî dewam kena ke cuya hemwelatîyanê xo asan bikera û piştî bida nêweşanê kêmîpeydayan.

Serekîya Daîreya Xizmetanê Astengdar û Pîran, bi piştîdayîşê kolîya xidayanê kêmî-proteîn ke seba nêweşanê Fenîlketonurî (PKU) yê ke mecbûr ê pêroyê cuya xo de dîyetêko taybet bikê giranîya ekonomîke ke keyeyan ser o ya kêmî kena.

Çarçewaya xebate de ke hetê Mudirîya Şûbeya Nêweşîyanê Kêmîpeyda û Kronîkan ra yena ramitene; qezayê sey Farqîn, Erxenî û Sûr zî mîyan de, hemwelatîyanê nêweşan ê PKU, Tîrozînemî û Şirûbê Akçaagacî rê resnayî seranserê şaristanî û berhemê dîyetê taybetî ke peydakerdişê înan zehmet û bi mesref o, teslîm kerdî.

Yeno amanckerdene ke bi nê piştîdayîşê xidayan ke çarçewaya heqê weşîye de bi perîyodanê dîyaran do dewam bikero, problemê resayîşî yê hemwelatîyanê ke bi nêweşîyanê kêmîpeydayan têkoşîn kenê û bi berhemanê sînordar û vayan reyde rî bi rî yê, bibo kêmî û bi nê hewayî giranîya ekonomîke ya keyeyan bibo sivik.