Bi pêşengîya Serekîya Daîreya Polîtîkayanê Cinîyan, bi beşdarîya şaredarîyanê qezayan, rêxistinanê komelê sîvîlî û koperatîfan, mîyanê tarîxê 2-3ê gulane de Pêdîyayîşê Cinîyan ê Kede û Kultur-Hunerî yê Amedî yo 2. do bêro organîzekerdene.

Pêdîyayîşo ke Meydanê Berê Koyî de do bêro kerdene, mîyanê 2 rojan de atolyeya boyaxkerdişê caman, atolyeya newekerdişî, atolyeya seramîk û atolyeya viraştişê kreman bi nebatanê tibî yê aromatîkan do bêrê organîzekerdene.

Çarçewaya çalakîyan de saetanê şanî yê her di rojan de zî programê konseran do ca bigîrê. Roja şemeyî ya 2yê gulane de saete 19.00î de Kasedjin, roja yewşemeyî ya 3yê gulane de zî saete 19.00î de hunermende Neslihan Edîş do sahne de biba.