Şaredarîya Amedî ya Şaristanê Girdî seba weşîya şarî kontrolanê xo yê xidayan dewam kena.

Şaredarîya Amedî ya Şaristanê Girdî, bi amancê pawitişê weşîya şarî û berzkerdişê qalîteya xizmetî, Aşxaneyê Şarî û Tesîsanê Komelkîyan de kontrolê hîjyen û emnîyetê xidayî yê hîrayî bica ardî.

Kontrolan de ke hetê Yewîna Kontrolê Xidayan a Serekîya Daîreya Weşî û ekîbê Zabita ra ameyî ramitene; heme prosesî, qebûlê malî ra heta qonaxanê amadekerdişî, pewtiş û servîsî bi hesasîye ameyî cigêrayene.

Kontrolan de şertê pakkerdişî, prosesê berhemardişî û nîzamê xebatan zî bi detay ameyî kontrolkerdene û hetê endezyaranê xidayî yê wezîfedaran ra werdan ra bi muntezem nimûneyî ameyî girewtene û pêmawitişê kalorîyê înan ame kerdene û bi nê hewayî menuyê biweşî yenê temînkerdene.

Şaredarîya Amedî ya Şaristanê Girdî, seba ke resayîşê hemwelatîyan ê xizmetê biemnîyet û hîjyenî temîn bikero, kontrolanê xo dewam kena.