Çarçewaya xebatanê newekerdişî de ke Bulwarê Firatî yê qezaya Kayapinarî de ameyî destpêkerdene, binawanî û serawanîya rayîrî bi fehmê şaristanî yo modern sere ra heta peynî newe ra yena serûberkerdene.

Bi awanîya rayîrî ya zafşerîdine, serûberkerdişanê çatrayîran û sîstemanê rehberîye, res do bibo hîna herikbar û biemnîyet.

Projeyî de nêzdîbîyayîşêko ke peya û bisîkletî verênîye de yê, yeno esasgirewtene, bulwarî dirênajî de rayîrê bisîkletan ê bêmabên yenê awankerdene.

Bi peyarayîranê hîrayan û dekewtişanê peyayan ê biemnîyetan resayîş yeno xurtkerdene, bi serûberkerdişanê neweyan ke çatrayîran de yenê kerdene herikîyayîşê trafîkî beno awanîyêka hîna bikontrol û biemnîyet.

Bi serûberkerdişanê peyzajî ke refujê merkezî û kîştan de do bêrê kerdene, do asayîşêko estetîk bulwarî bidîyo.

Bi sîstemanê roşnkerdişî yê modernan emnîyetê şewe yeno zêdekerdene û estetîkê şaristanî zî yeno xurtkerdene.