Festîvalê Tîyatroyî yo Mîyanneteweyî yê Amedî yo 11. ke hetê Tîyatroyê Şaristanî yê Şaredarîya Amedî ya Şaristanê Girdî (DBŞT) ra bi temaya "Seba Haştîye Dîyalog" yeno organîzekerdene, dewam keno.

Festîvalê Tîyatroyî yo Mîyanneteweyî yê Amedî yo 11. ke hetê Tîyatroyê Şaristanî yê Şaredarîya Amedî ya Şaristanê Girdî (DBŞT) ra bi temaya "Seba Haştîye Dîyalog" yeno organîzekerdene, roja xo ya heştine de bi panel, nawitişê vîdeo û çalakîyanê gedeyan temayê şer, koçberî û xoverdayîş bi ziwanê hunerî reyde pê resayî.

Panelî de ke tehlîyekerdişê keyeyan û xoverdayîşê Qudsê Rojhelatî ame erjnayene, têkoşînê haştî û cuye yê şarê Filistîn û Îsraîlî ame qiseykerdene; berhemo bi nameyê "War Diaries" zî bi rastîyêka trawmayanê ferdîyan ê mîyanê şerî resna temaşekeran.

Beşê festîvalî yê warê akerde de zî, Parka Koşuyoluyî bi nawitişê palyaçoyî yê hunermendanê îtalyan Simone Romano û bi munasebetê Roja Dansî ya Dinya bi govendanê şarî yê ke pîya ameyî girewtene, bî sahneyê coşê gedeyan û komelî.