Şaredarîya Amedî ya Şaristanê Girdî, bi amancê ke musabeqaya krîtîke ya Amedsporî ke do Igdirsporî reyde kay bikero û şansê vejîyayîşê Sûper Lîgî est o, futbolhesan rê gandar bida temaşekerdene, do di cayanê cîyayan de ekrananê girdan rono.

Amedsporo ke Federasyonê Futbolî yê Tirkîya (TFF) Lîgê 1. de têkoşîn keno, bi amancê vejîyayîşê Sûper Lîgî, sezon de maçê xo yê peyênî 2yê gulane roja şemeyî de do mêmandarîya Igdirsporî de kay bikero. Munabeqa, seba şansê vejîyayîşê Sûper Lîgî zaf muhîm a.

Şaredarîya Amedî ya Şaristanê Girdî, seba ke coşê maçê Igdirspor-Amedsporî biresno tarafgiran ke do deplasmanî de bêro kaykerdene, do Ormanparka ya qezaya Kayapinarî û Mêydana Şaristanî ya qezaya Kayapinarî de ekrananê girdan rono. Futbolhesî, do nê di cayan ra maçî gandar temaşe bikerê û rayîrê Sûper Lîgî de do bibê hemparê têkoşînê Amedsporî yê krîtîkî.

Maç do saete 16.00î de dest pêbikero

Musabeqaya Igdirspor-Amedsporî, 2yê gulane roja şemeyî de saete 16.00î de Stadyumê Şaristanî yê Îdirî de do bêra kaykerdene. Amedspor Lîgê 1. de Eroksporî reyde puanê xo seypê yê, netîceya ke bêra girewtene zî seba vejîyayîşê Sûper Lîgî do biba dîyarker.

Hemşaredaran zî Amedsporî rê serkewtiş waşt

Hemşaredarê Şaredarîya Amedî ya Şaristanê Girdî Serra Bucak û Dogan Hatunî  futbolbaz û ekîbê teknîkî yê Amedsporî rê ke şaristanê ma temsîl kenê, serkewtiş waşt.

Tadayox: Mehmet Olmez