Programî de ke verê awanîya xizmetî ya Şaredarîya Amedî ya Şaristanê Girdî de ame organîzekerdene, Roja Kede û Piştîpêdayîşî ya 1ê Gulane bi coş ame pîrozkerdene.

Verê awanyîya xizmetî ya Şaredarîya Amedî ya Şaristanê Girdî de bi munasebetê Roja Kede û Piştîpêdayîşî ya 1ê Gulane programê pîrozkerdişî ame viraştene. Çalakîye de ke ruhê kede û piştîpêdayîşî vernî de bî, xebatkaranê şaredarîye 1ê Gulane pîroz kerd.

Programo ke bi pêşengîya Serekîya Daîreya Çimeyê Merdiman û Perwerdeyî, TUM BEL-SEN û Sendîkaya Karkeranê Xizmetanê Pêroyî yê Tirkîya (Genel-İş) ame organîzekerdene, xebatkarê şaredarîye û temsîlkarê sendîkayan beşdarê ci bîyî.

Programê pîrozkerdişî de bi dawile û zirne govendî ameyî girewtene û coşê 1ê gulane pîya ame ciwîyayene.