Hemşaredarê Amedî Dogan Hatun, musabeqaya krîtîke ya Amedsporî ke Igdir de ame kaykerdene warî ra taqîb kerd û piştî daye taximî.

Hatun, maçî de ca girewt û dima qefleyê Amedsporî reyde pîya peyser agêra Amed. Ameyîşê Amedî yê Amedsporî bi coşêko gird ame pêşwazîkerdene.

Hemşaredarê ma zî qefleyê taximî reyde beşdarê kortêjê pîrozkerdişî bî ke teyaragehî ra heta Parka Newroze dewam kerd û keyfê hemwelatîyan reyde bî hemkar.

Pîrozkerdişî de Hemserekê Pêroyî yê DBPyî Çigdeme Kiliçgin Uçar û Keskîn Bayindir, parlementer, endamanê meclîsî, temsîlkarê rêxistinanê komelê sîvîlî û bi hezaran hetgirî beşdar bîyî.