Pêdîyayîşê Cinî, Kede û Kultur-Hunerî yê Amedî yo 2. ke bi pêşengîya Serekîya Daîreya Polîtîkayanê Cinîyan, bi beşdarîya şaredarîyanê qezayan, sazgehanê cinîyan, rêxistinanê komelê sîvîlî û koperatîfan yeno organîzekerdene, dest pêkerd.

Hemşaredara Amedî Serra Bucak ke beşdarê pêdîyayîşî bîye ke Meydanê Şêx Seîdî yê Berê Koyî de yeno organîzekerdene, dîyar kerd ke cinî bi berhemardişê xo, huner û piştîpêdayîşê xo benê yew û va ke çalakî pêdîyayîşêko muhîm o ke têkoşînê cinîyan xurt keno.

Sereka Daîreya Polîtîkayanê Cinîyan Ozden Gurbuz Sumer dîyar kerd ke hêzo ke cinî bi piştîpêdayîşî anê meydan, vuryayîş û ravurnayîşî zî warê cuya komelkî de virazeno.

Çarçewaya pêdîyayîşî de ewro şan saete 19.00î de konserê KASEDJIN'î do bêro organîzekerdene.