Şaredarîya Amedî ya Şaristanê Girdî, dibistanan de xebatanê perwerde û tatbîqatanê vera afatan dewam kena. 

Na çarçewa de Lîseya Anadolu ya Rakbet Kurulu de seba mamosta û wendekaran perwerdeyê hişyarîya afate û peynayişê şewatî ame dayene û tatbîqatê pratîkî ame bicaardene.

Çarçewaya xebatanê amadekarîye de ke seba têkoşînê tesîrdar ê vera afatan, Serekîya Daîreya Karanê Afatî û Îdareyê Talûkeyî ya DBB’yî, bi hemkarîya ekîbabê MEB AKUB ke Wezaretê Perwerdeyê Neteweyî ra girêdaye yê, programêkê perwerdeyî yo muhîm bica ard. Programî de, mamosta û wendekaran derheqê tewirê reftarê rastî yê demê afate, kêmîkerdişê talûkeyan û muhîmîya kordînasyonî de demanê krîzî de, perwerde girewt.

Çarçewaya programî de sewbîna perwerdeyê peysnayîşê şewatî zî ame dayene. Beşdarî, agahîyanê teorîkan ra dima, firsend dî ke metodê mudaxeleyê şewatî bi pratîk tecrube bikerê. Bi tatbîqatê peysnayîşê şewatî ke ame bicaardene, wendekar û mamostayan warî ra musayî ke demê yew şewatê îhtimalî de gere çi bikerê.