Hemşaredarê Şaredarîya Amedî ya Şaristanê Girdî Serra Bucak û Dogan Hatunî, taxanê teberî yê qezaya Sûrî de muxtaran û hemwelatîyan reyde ameyî têhet û problem û waştişê înan warî ra goşdarî kerdî.

Hemşaredar Bucak; taxanê Yarimca, Dervişhasan û Sarikamiş, Hemşaredar Hatun zî taxanê Alîbardak, Karacaoren û Koyunguden zîyaret kerd. Endamanê meclîsî û temsîlkarê DÎSKÎ û serekê daîreyanê têkildaran zîyaretan de bîyî.

Hemşaredarê ke bi rayberîya muxtaran taxan ra waranê problemdaran ra gêrayî, problemê derheqê rayîr, awe, binawanî û xetanê kanalîzasyonî de warî de cigêrayîş kerd. Hemşaredar Bucak sewbîna cinîyanê taxe reyde ameye têhet û problem û waştişê înan goşdarî kerd.

Hemwelatîyan; derheqê awe, kanalîzasyon, binawanî û kanalanê serakerdeyan de waştişê xo îfade resnayî. Naye ra teber, ronayîşê kerrayanê parke, serûberkerdişê rayîranê ke dormeyê keyeyê tazîye yê û keyeyê tazîye yê cinîyan zî ameyî vatene. Taxa Karacaoren de zî bale ame antene boya awa lêmine ke çemî ra vila bena û DÎSKÎ ra çareserî ameye waştene.

Hemşaredaran dîyar kerd ke seba çareserîya problem û waştişanê ke ameyî resnayene, yewînanê têkildaran reyde xebatêka bikordîne do bêro ramitene û hemwelatîyan rê seba beşdarî û parekerdişanê înan sipas kerd.

Tadayox: Mehmet Olmez