Mudirîya Pêroyî ya DÎSKÎ, bi amancê ke warê roniştişî yê neweyî yê taxanê teberî bêrê entegrekerdene bi sîstemê awa şimitişî yê mewcudî, qezayanê Pîran û Hêni de îmalatê xetanê îlaweyan temam kerdî.

Taxa teberî ya Bozobayî ya qezaya Pîranî de xeta awa şimitişî ya newîye ya bi 330 metre ameye ronayene.

Taxa teberî ya Kalabayî ya Hêni de zî îmalatê şebekeya îlawe ya bi 160 metre ame bicaardene.

Bi nê xebatan, her di taxan de zî warê roniştişî yê neweyî torra awa şimitişî ya mewcude de ameyî cadayene û cugehê resayîşî yê xeta vilakerdişî hîra bî.