Rojanê Kitaban ê Erxenî yê 2. ke qezaya Erxenî de virazîyeno, dest pêkerd

Hemşaredara Amedî Serra Bucak, beşdarê akerdişê Rojanê Kitaban ê 2. yê Erxenî bî yê ke bi şîarê "Dinya pê çekuyan yena têhet" ame organîzekerdene.

Akerdişê çalakîye ke bi hemparîya Şaredarîya Erxenî û Egîtîm Senî, mabênê 7-10ê Gulane de Park Orman Yenişehîr de ame viraştene; Hemşaredarê Şaredarîya Erxenî Birsen Azak Bayar û Şîyar Guldîken, hemşaredarê şaredarîyanê qezayan, endamê meclîsî, nuştoxî, weşangerî, temsîlkarê rêxistinanê komelê sîvîlî û zaf hemwelatî beşdar bîyî.

Çalakîyê kulturî dayîşgirewtişê muhîm ê ke pîyabîyayîşê komelkî xurt kenê

Hemşaredare Bucak ke akerdişî de qisey kerd, bale ante ser o ke kitabî û çalakîyê kulturî dayîşgirewtişê muhîm ê ke pîyabîyayîşê komelkî xurt kenê, û îfade kerd ke kombîyayîşê kultur-hunerî hetê aştî, cuya kolektîfe, ziwanê dayîke û renginîya kulturî ra erjîyaye yê.