Şraedarîya Amedî ya Şaristanê Girdî seba berhemardişê cugehî û weşîya şarê xo projeyanê xo dewam kena.

Serekîya Daîreya Xizmetanê Dewan seba vilakerdişê goze ke meyweyê xo û berhemanê xo yê bînan reyde, hem zî bi qîmetê xo erjîyaye ya û berhemêko stratejîk o, herême de xebatêka muhîme daye destpêkerdene.

Çarçewaya proje de ke seba qezenckerdişê erdê koyî ke tede citkarî nêbena, û seba zêdekerdişê feydeyê daran ke est ê, ame kerdene; cayê ke ameyî dîyarkerdene, tede dormeyê 10 hezar gozêrê zûrayênî ke meywe nêdanê, xebata lûlîkerdişî yena kerdene.

Çarçewaya xebatan de ke 8 qezayan de yena kerdene, şitilî zî ameyî vilakerdene.

Projeya ke xoza pawena û amancê xo o yo ke seba neselanê amayoxan cugehêko keskayî verdo, dewam kena.